Ukrayna taxılını daşıyan gəmilər bir neçə günə yola düşəcək - BMT

Ukrayna taxılına dair razılaşmadan sonra taxılın Ukrayna limanlarından çıxış qrafiki bəlli olub. BMT baş katibinin sözçüsü gəmilərin bir neçə günə yola düşəcəyini bildirib.

Olaylar.az Sfera.az-a istinadən xəbər verir ki, "Bloomberg"-in məlumatına görə, BMT rəsmisi razılaşmanı imzalayan tərəflərlə tez-tez təmasda olduqlarını söyləyib. O tərəflərin götürdükləri öhdəlikləri icra edəcəklərinə dair vədlərini təkrarladıqlarını deyib.

BMT rəsmisi daha sonra bildirib: "Türkiyə hökuməti müqavilənin bir hissəsi olan İstanbulda ortaq koordinasiya mərkəzi üçün yer ayırıb. Birgə koordinasiya mərkəzi gəmiçilik sənayesi ilə əlaqə quracaq və tezliklə gəmilər üçün ətraflı prosedurları dərc edəcək".