Mərkəzi Bank tədavülə xatirə pul nişanı buraxır

Azərbaycan Respublikasının Mərkəzi Bankı 2022-ci ildə Qətərdə keçiriləcək futbol üzrə dünya çempionatına həsr olunmuş qızıl və gümüş xatirə pul nişanlarının tədavülə buraxılmasını elan edir. Bu barədə Mərkəzi Bankdan "Olaylar"a verilən məlumatda bildirilib. Qeyd edilib ki, müvafiq monetaların satışı Beynəlxalq Futbol Federasiyaları Assosiasiyasının (FİFA) rəsmi tərəfdaşı olan "MDM Münzhandelsgesellschaft MBH&CO KG Deutsche Münze" şirkəti (www.mdm.de) tərəfindən həyata keçiriləcək.