Mağazalarda vaxtı keçmir ərzaq məhsulları satışdan çıxarıldı

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı Bakının Sabunçu rayonunda Bakıxanov qəsəbəsi, Əfəndiyev küçəsi, ev 19, mənzil 1 ünvanında yerləşən "Vüqar market"də saxlama müddəti ötmüş və normativ-texniki sənədlərin tələblərinə uyğun olmayan malların satıldığı, eləcə də satışda olan malların qiymət kağızlarının düzgün tərtib edilmədiyi müəyyənləşdirilmişdir.  Suraxanı rayonunda Bülbülə qəsəbəsindəki İmran Tağıyevə və Tofiq Abdullayevə məxsus mağazalarda; 2-ci Mədən küçəsində Fatmanisə Həsənovaya məxsus mağazada; Əmircan qəsəbəsindəki "Lider market"də və  Rəşad Baloğlanova məxsus mağazada;Sabunçu rayonunda Kürdəxanı qəsəbəsindəki "Orxan market"də və Şəmsi Qəmbərova məxsus mağazada; Sabunçu qəsəbəsində yerləşən "Texas market"də saxlama müddəti ötmüş malların satıldığı və satışda olan malların qiymət kağızlarının düzgün tərtib edilmədiyi aşkarlanmışdır.  Sumqayıt şəhərində 2-ci mikrorayon, H.Əliyev prospekti, ev 22/57 ünvanında Cuma Şirinova məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların satıldığı müəyyənləşdirilmişdir. Mingəçevir şəhərində Xocalı küçəsi, 2 ünvanında Rüstəm Məmmədova məxsus mağazada normativ-texniki sənədlərin tələblərinə uyğun olmayan malların satıldığı aşkarlanmışdır. Masallı şəhərində 20 Yanvar küçəsində Arifə Yaqubovaya məxsus mağazada; Quba şəhərində 22-ci məhəllədə Mahir Əskərova məxsus mağazada; Yevlax şəhərində H.Əliyev prospektində Famil Bağırova məxsus mağazada; Daşkəsən şəhərində T.İsmayılov küçəsində Gülarə Əliyevaya və Əziz Həsənova məxsus mağazalarda;  Tovuz rayonunda Aşağı Quşçu kəndində Mahir Kazımova məxsus mağazada; Füzuli rayonunda Bala Bəhmənli kəndində Kənan Hüseynova məxsus mağazada; Şəmkir rayonunda Bayramlı kəndində Nazim Cəfərova və Babək Qarayevə məxsus mağazalarda isə saxlama müddəti ötmüş malların satıldığı müəyyənləşdirilmişdir.  Ümumilikdə, monitorinqlər zamanı 500 kq-dan çox ərzaq malları aşkar olunmuş, satışdan çıxarılaraq məhv edilmişdir.  Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.