Yeni rüsumlar qiymətlərə təsir edəcək - Deputat

"Biz bu yaxınlarda komitə iclasında bir neçə qanuna dəyişiklikləri müzakirə etdik. "Dövlət rüsumu haqqında" qanunda çox ciddi dəyişikliklər edilməlidir". "Olaylar" xəbər verir ki, bunu deputat Vahid Əhmədov noyabrın 10-da Milli Məclisin İqtisadi siyasət, sənaye və sahibkarlıq komitəsinin iclasında gələn ilin dövlət büdcəsi zərfinə daxil olan sənədlərin müzakirəsi zamanı deyib.

Deputat bildirib ki, qanunlara təklif edilən dəyişikliklərin bir hissəsi ərzaq və kənd təsərrüfatı məhsulları ilə bağlıdır: "Bu da bazarda qiymətlərə təsir edən amillərdəndir. "Dövlət rüsumu haqqında" qanuna ərzaq və kənd təsərrüfatı məhsulları ilə bağlı təklif olunan rüsumları reklam və digər yerlərə əlavə etmək lazımdır".