“Vətəndaşın 2021-ci il üçün büdcə bələdçisi” kitabı Maliyyə Nazirliyinin internet səhifəsində yerləşdirilib

Azərbaycan Respublikasının 2021-ci il üçün dövlət və icmal büdcələrini özündə birləşdirən "Vətəndaşın 2021-ci il üçün büdcə bələdçisi" kitabı Maliyyə Nazirliyinin rəsmi internet səhifəsində yerləşdirilib. "Olaylar" xəbər verir ki, "Vətəndaşın  büdcə bələdçisi"  kitabında  dövlət  və icmal  büdcələrin əsas parametrləri və istiqamətləri, büdcə layihəsinin hazırlanması zamanı müvafiq işlərin həyata keçirilməsi haqqında məlumat, büdcə gəlirinin formalaşması mənbələri və xərclərin istiqamətləri haqqında əsas məlumatlar toplusu əks olunmuşdur. 2020-ci  il  Azərbaycan  Respublikasının  dövlətçilik  və müstəqillik  tarixinə Azərbaycan  Prezidenti,  Ali  Baş  Komandan  cənab  İlham  Əliyevin  rəhbərliyi  ilə Ermənistan  üzərində qazanılan  parlaq  hərbi-siyasi  Qələbə və 30  iləyaxın  işğal altında  olan əzəli  Azərbaycan  torpaqlarının  tam  azad  edilməsi  ili  kimi  həkk olunmuşdur. 2021-ci  ilin  dövlət  büdcəsinin əsas  xüsusiyyətlərindən  biri də məhz  erməni işğalçılarına qarşı zəfər qazandığımız Vətən müharibəsi nəticəsində işğaldan azad olunan ərazilərdə bərpa və yenidənqurma işlərinin aparılması, sosial-iqtisadi, enerji, kommunal,  nəqliyyat  infrastrukturunun  yaradılması,  öz  doğma  yurdlarına  qayıdan vətəndaşlarımızın  yaşayışı  və işgüzar  fəaliyyəti  üçün  şəraitin  təşkil  edilməsi  kimi şərəfli  və məsuliyyətli  vəzifələrin  icrası  üçün  maliyyə təminatının  yaradılmasıdır. Prezident İlham Əliyevin qeyd etdiyi kimi, "tezliklə bütün Qarabağda abadlıq, quruculuq, inkişaf başlayacaq". Eyni   zamanda,   Azərbaycan   Ordusunun   hərbi   qüdrətinin daha   da möhkəmləndirilməsi üçün də məqsədli vəsaitlər nəzərdə tutulub. 2021-ci ildə dövlətin milli təhlükəsizliyinin, müdafiə qabiliyyətinin və ordumuzun hərbi qüdrətinin daha da artırılması, texniki təminatının gücləndirilməsi ən ümdə prioritet kimi qəbul edilib.