Mərkəzi Bank faizlərin birrəqəmli həddə olması üçün kömək edir - Elman Rüstəmov

Azərbaycan banklarında kreditlər üzrə faiz dərəcələri yüksək olaraq qalmaqdadır və Mərkəzi Bank faizlərin birrəqəmli həddə olması üçün çalışır.

Olaylar.az Trend-ə istinadən bildirir ki, bunu Mərkəzi Bankın sədri Elman Rüstəmov Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında deyib.

Onun sözlərinə görə, kreditlər üzrə faizlərin formalaşmasının arxasında çox ciddi obyektiv reallıqlar dayanır:

"Faizlər Azərbaycan banklarının gəlir resursudur. Bu mənfəət növü bilavasitə banklardakı risk amili ilə bağlıdır. Ona görə də ilk növbədə bank sektorunun risklərini azaltmaq lazımdır".