Telefonlar divarın o üzünü görəcək

ABŞ-ın Dallas şəhərində yerləşən Texas Universitetində çalışan alimlər professor Kennetin rəhbərliyi altında xüsusi çip hazırlayıblar. Gələcəkdə smartfona quraşdırılacaq bu çiplər sayəsində onlar tamdəyərli mobil rentgenə çevriləcəklər. Mobil rentgen vasitəsilə isə kağız və hətta divarın  arasından görmək olar. "Olaylar"ın ictnews elektron xəbər xidmətinə istinadən verdiyi məlumata görə, bu barədə  "pitbit.ru" saytı məlumat yayıb. Alimlər qeyd ediblər ki, çip elə də əhəmiyyət kəsb etmir, əsas məsələ onun  imkanlarından necə istifadə edilməsidir.