AÇG-dən 505 mln. ton neft hasil olunub

"Azəri-Çıraq-Günəşli" və "Şahdəniz" yataqları istismara veriləndən  aprelin 1-ə kimi 534 mln. ton neft (kondensatla birlikdə), 290 mlrd. m3 qaz hasil edilib. Bu barədə məlumat "OLAYLAR"-a Energetika Nazirliyindən daxil olub. Bildirilib ki,  AÇG-dən aprelin 1-ə  kimi 505 mln. ton neft, 168,4 mlrd. m3 qaz hasil olunub. "Şahdəniz" istismara veriləndən 1 aprel tarixinədək 121,5 mlrd. m3 qaz, 29 mln. ton kondensat hasil edilib.  Bu yataqlardan indiyə kimi 527 mln. ton neft (kondensatla birlikdə),  80,3 mlrd. m3 qaz isə ixrac edilib.