Qafqaz Müsəlmanları İdarəsinin maliyyə mənbələri məlum olub

Qafqaz Müsəlmanları İdarəsinin (QMİ) maliyyə mənbələri məlum olub. APA-nın məlumatına görə, QMİ öz fəaliyyəti, əmlakının istifadəsindən əldə olunan gəlirlər, fiziki və hüquqi şəxslərin, əhatə etdiyi ərazidəki dini qurumların və ziyarətgahların könüllü ayırmaları hesabına, habelə qanunla qadağan olunmayan digər mənbələr hesabına maliyyələşir. İdarəyə və dini qurumlara dövlət və yerli özünüidarə orqanları tərəfindən də maliyyə yardımı göstərilə bilər.Qeyd edək ki, QMİ regionda (Azərbaycanda, Ermənistanda, Gürcüstanda, Rusiya Federasiyasının Şimali Qafqaz ərazisində) yaşayan müsəlmanların dini qurumlarını özündə birləşdirən tarixi İslam dini ali mərkəzidir.