Azərbaycan Gürcüstandan siqaret idxalını 3 dəfədən çox azaldıb

Azərbaycan Gürcüstandan siqaret idxalını 3 dəfədən çox azaldıb

Bu ilin yanvar-noyabr aylarında Azərbaycan Gürcüstandan 1 765 878 qutu (hər birisində 1000 ədəd olur) siqaret və digər tütün məmulatları idxal edib.

Bu barədə "Report"un yerli bürosuna Gürcüstanın Milli Statistika İdarəsindən bildirilib.

Məlumata görə, bu, ötən ilin eyni dövrü ilə müqayisədə 67,8% və yaxud 3,1 dəfə azdır.

11 ay ərzində Gürcüstanın Azərbaycana ixrac etdiyi siqaret və digər tütün məmulatlarının dəyəri 31,253 milyon ABŞ dolları təşkil edib. Bu, illik müqayisədə 65,15% azdır.