590 kiloqram ərzaq məhsulu saxta çıxdı

İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı  Bakının Nəsimi, Yasamal, Sabunçu rayonlarında, eyni zamanda Balakən, Zaqatala, Xırdalan, Şabran, Lənkəran, Sabirabad, Salyandakı bəzi mağazalarda  saxlama müddəti ötmüş malların satıldığı müəyyən olunub. Ümumilikdə, monitorinqlər zamanı 590 kq-a yaxın ərzaq malları aşkar olunmuş, satışdan çıxarılaraq məhv edilib.  Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.