33 rayon üzrə 51 aqropark və fermer təsərrüfatı yaradılır

33 rayon üzrə 51 aqropark və fermer təsərrüfatı yaradılır

Hazırda respublikanın 33 rayonu üzrə 262 min hektar ərazidə 51 aqropark və iri fermer təsərrüfatının yaradılması üzrə işlər davam etdirilir. Bu aqropark və iri fermer təsərrüfatlarından 27-nin yaradılmasına 192 milyon manat dövlətin güzəştli krediti verilib. "Olaylar"ın İqtisadiyyat Nazirliyindən əldə etdiyi məlumata görə, bu günlərdə keçirilən işgüzar forum çərçivəsində Gəncə-Qazax iqtisadi rayonunda fəaliyyət göstərən 33 sahibkarın heyvandarlıq, bağçılıq, çörək istehsalı və s. sahələr üzrə investisiya layihələrinin maliyyələşdirilməsinə 538 min manat güzəştli kredit verilib. Bu layihələrin reallaşdırılması nəticəsində 50-dək iş yerinin açılması imkanı yaranacaq. Ümumilikdə Gəncə-Qazax iqtisadi rayonunda fəaliyyət göstərən sahibkarlıq subyektlərinin 7000-dək investisiya layihəsinin maliyyələşdirilməsinə 590 milyon manatdan çox güzəştli kredit verilib.