Çayçılıqla məşğul olan fermerə subsidiya hansı qaydada veriləcək?

Çayçılıqla məşğul olan fermerə subsidiya hansı qaydada veriləcək?

Gələn ildən başlayaraq çay plantasiyalarına əkin subsidiyası veriləcək. "Olaylar" xəbər verir ki, plantasiyaların hər hektarına görə fermerə hər il 700 manat subsidiya ödənilməsi nəzərdə tutulur. Fermer bu məbləğdə subsidiyanı plantasiyanın salındığı ilk 7 il ərzində alacaq. Çay bitkisinin məhsula düşməsə başladığı 8-ci ildən etibarən isə subsidiya 1,2 əmsalla, yəni hər hektara 240 manat olmaqla veriləcək. Aqrar Subsidiya Şurasının bu qərarı 2019-cu ildən salınmış çay plantasiyalarına şamil edilir. Çay bitkisi üçün 7 illik yüksək əmsallı (3,5) dəstək subsidiyasının müəyyənləşməsi dövlətin çayçılığın inkişafında maraqlı olması ilə bağlıdır. Bu sahəyə dövlət dəstəyinin genişləndirilməsi ixrac potensialı yüksək olan bitkiçilik məhsullarının istehsalını artırmış olacaq.