E-satınalma ilə bağlı sahibkarlar üçün təlimlər keçiriləcək

E-satınalma ilə bağlı sahibkarlar üçün təlimlər keçiriləcək

İqtisadiyyat Nazirliyinin tabeliyində Kiçik və Orta Biznesin İnkişafı Agentliyi (KOBİA) sahibkarlar üçün "E-satınalma modelinin tətbiqi" mövzusunda təlimlərə başlayır. KOBİA-dan "Olaylar"a bildirilib ki, təlimlərin təşkilində məqsəd e-satınalma ilə bağlı prosedurlar, www.etender.gov.az vahid internet portalı və ondan istifadə barədə sahibkarların məlumatlandırılmasıdır. İlk təlimlər 22, 24 və 26 iyul 2019-cu il tarixlərində, saat 15.00-da KOBİA-nın inzibati binasında təşkil olunacaqdır (ünvan: Atatürk prospekti, 134,  əlaqələndirici şəxs: Urfan Nəbiyev, tel: (+99412) 404-04-01). Təlimdə iştirak etməkdə maraqlı olan sahibkarlıq subyektləri müvafiq məlumatları (ad, soyad, təmsil etdiyi müəssisə, vəzifəsi və əlaqə telefonu) KOBİA-nın [email protected] ünvanına göndərə bilərlər.