Əmək pensiyalarının minimum məbləğinin artırılmasını nəzərdə tutan qanun layihəsi qəbul edilib
Əmək pensiyalarının minimum məbləğinin artırılmasını nəzərdə tutan qanun layihəsi qəbul edilib
Milli Məclisin iyulun 12-də keçirilən plenar iclasında "Əmək pensiyaları haqqında" qanuna dəyişiklik barədə layihə üçüncü oxunuşda müzakirəyə çıxarılıb."Olaylar"ın məlumatına görə, dəyişiklik əmək pensiyalarının minimum məbləğinin artırılması ilə bağlıdır. Prezident İlham Əliyevin qanunvericilik təşəbbüsü ilə parlamentə göndərdiyi layihəyə əsasən, qanunun 6-1-ci maddəsinin (Əmək pensiyasının minimum məbləği) mətni yeni redaksiyada verilir: "Əmək pensiyasının minimum məbləği 2019-cu il 1 oktyabr tarixindən 200 manat məbləğində müəyyən olunur. Təyin edilən əmək pensiyasının məbləği əmək pensiyasının minimum məbləğindən aşağı olduqda, həmin məbləğə çatdırılmaqla ödənilir". Qanun layihəsi müzakirələrdən sonra səsverməyə çıxarılaraq qəbul olunub.