Vətəndaşlar ərzağa 86,3 manat xərcləyib

2013-cü ilin yanvar-fevral aylarında pərakəndə ticarət şəbəkəsində 2847,5 milyon manat məbləğində və ya 2012-ci ilin eyni dövrü ilə müqayisədə 8,8 faiz çox istehlak malları satılıb. Statistika Komitəsindən "Olaylar"a verilən məlumata görə,  satılmış ərzaq məhsullarının həcmi 2,1 faiz artaraq 1597,0 milyon manata, qeyri-ərzaq mallarının həcmi 18,6 faiz artaraq 1250,5 milyon manata bərabər olub. Keçən ilin yanvar-fevral ayları ilə müqayisədə pərakəndə ticarət dövriyyəsinin ümumi həcmində ərzaq məhsullarının xüsusi çəkisi 3,8 faiz bəndi azalaraq 56,1 faiz, qeyri-ərzaq mallarının xüsusi çəkisi isə artaraq 43,9 faiz təşkil edib. Pərakəndə ticarət şəbəkəsindən hər bir ölkə sakini orta hesabla ayda 86,3 manatlıq ərzaq, 67,6 manatlıq qeyri-ərzaq malları alıb.