Maliyyə nəzarəti haqqında yeni qanun hazırlanır

Azərbaycanda "Dövlət maliyyə nəzarəti haqqında" yeni qanun hazırlanır. Bu barədə Maliyyə Nazirliyindən "Olaylar"a daxil olan məlumata görə, hazırda bu istiqamətdə iş aparılır. Qanun layihəsinin hazırlanması prosesində Avropa ölkələrin təcrübəsi öyrənilir. Proses başa çatdıqdan sonra maliyyə nəzarəti haqqında çərçivə qanun layihəsi parlamentə təqdim ediləcək.  Hələlik layihənin ilkin variantı müvafiq qurumlar tərəfindən nəzərdən keçirilir.