Nazir: Ötən il 2000 km yol tikilib və ya təmir olunub

Ötən il Azərbaycanda avtomobil yollarının saxlanılmasına və ya təmirinə 1,7 mlrd manat vəsait ayrılıb. "Olaylar" xəbər verir ki, bunu Milli Məclisin bugünkü plenar iclasında Nazirlər Kabinetinin 2018-ci ildəki fəaliyyəti üzrə hesabatın təqdimatında çıxışı zamanı Baş nazir Novruz Məmmədov bildirib. Onun sözlərinə görə, il ərzində isə 2000 km yol tikilib və ya təmir olunub: "Azərbaycan dəmir yollarında 220 km-lik hissəsində əsaslı təmir işləri həyata keçirilib. Həmçinin ötən il xaricdən 56 lokomotiv alınıb. Ləki-Qəbələ dəmir yolunu qurulması istiqamətində 14 km dəmir yolu çəkilib, hazırda bu istiqamətdə işlər davam etdirilir".