Pensiyalar yenə artırılacaq

DSMF sədri: “Buna səbəb bu yaxınlarda pensiyaların sığorta hissəsinin indeksləşdirilməsidir”

2013-cü ildə  Azərbaycanda pensiyaların baza hissəsində artımlar olacaq. Bunu deyən Dövlət Sosial Müdafiə Fondunun sədri Səlim Müslümovun sözlərinə görə, buna səbəb bu yaxınlarda pensiyaların sığorta hissəsinin  indeksləşdirilməsidir: "Hər il ölkədə pensiyaların sığorta hissəsində indeksləşdirmə aparılır. Yeddi ildir ki, bu proses həyata keçirilir. Hazırda da bu proses gedir. İnflyasiya ötən il necə olubsa, bu il pensiyaların sığorta hissəsi ona uyğun indeks olunur. Ölkə prezidentinin sərəncamı ilə pensiyaların sığorta hissəsinin indeksləşdirilməsi növbəti aylarda pensiyaların baza hissəsinin artmasına səbəb olacaq".