Beyləqanda 22 min əhalinin istifadə etdiyi yollar yenidən qurulur

Beyləqanda Kəbirli-Eyvazallar-Birinci Aşıqlı-Əlinəzərli avtomobil yolu əsaslı şəkildə yenidən qurulur.

Beyləqanda Kəbirli-Eyvazallar-Birinci Aşıqlı-Əlinəzərli avtomobil yolu əsaslı şəkildə yenidən qurulur.

"OLAYLAR"-a Avtomobil Yolları Dövlət Agentliyindən bildirilib ki,  39.4 km-lik avtomobil yolu IV texniki dərəcəyə uyğundur. Beyləqan rayonunun  bir neçə yaşayış məntəqəsini birləşdirən  sözügedən avtomobil yolu uzun müddət istismar nəticəsində  deformasiyaya uğramış ,yol örtüyü dağılmış ,çox sayda  çalalar və  çökmələr əmələ gəlmişdir. Bu üzdən yolun əsaslı şəkildə yenidən qurulmasına ehtiyac var idi.

Tikinti layihəsinə uyğun olaraq 6 min kub.m həcmdə  yararsız örtüyün  və yol geyiminin, həmçinin torpaq  yatağının  79 min kub.m  həcmdə  yararsız hissəsi qazılaraq  çıxarılıb. Daha sonra  karxana çınqılı materialından 108 min kub.m həcmdə torpaq yatağının  bərpası  və qazılmış hissələrin  doldurulması işləri aparılıb. Torpaq işləri aparılan hissələr avtoqreyderlə profilə salınıb və kipləşdirilib.

Yol əsası hazır olan hissələrin isə paralel olaraq asfaltlanması işləri də görülür. Belə ki, 235 min kv.m sahədə 12 sm hündürlükdə iri və xırda dənəli asfalt beton qarışığından istifadə olunmaqla örtüyün alt və üst layı inşa edilir. Asfaltlanma işləri bitən kimi yol  boyu  avtonəqliyyat vasitələrinin  normal hərəkətinin təmin etmək  məqsədilə 170 ədəd yol nişanlarının , 8 ədəd avtobus dayanacağının, 40 ədəd km göstəricisinin və 1520 ədəd  siqnal dirəklərinin  quraşdırılması  nəzərdə tutulub.