Ölkədə nəğd hesablaşmalar məhdudlaşdırılacaq

Vergilər Nazirliyi ölkədə nağdsız ödənişlərin stimullaşdırılması və nağd hesablaşmaların məhdudlaşdırılması üzrə müvafiq tədbirlər planının hazırlanmasına start verib. Bu barədə jurnalistlərə məlumat verən  vergilər nazirinin müavini Natiq Əmirov bildirib ki, tədbirlər planının layihəsi fevral ayının sonuna kimi hazır olacaq: "Planda nağdsız ödənişlərin stimullaşdırılması və nağd hesablaşmaların məhdudlaşdırılmasına dair bir sıra mühüm yeniliklər əksini tapacaq. Belə ki, bir sıra sahələrdə nağdsız ödənişlərin vergidən tam azad edilməsi, nağd hesablaşmalarda limitlərin tətbiq edilməsi, əhalini nağdsız hesablaşmalara həvəsləndirilməsi üçün bonus sistemlərinin tətbiqi nəzərdə tutulur".