“Neft Daşları” yatağında 2 yeni quyu istismara verib

"Neft Daşları" yatağındakı 2521 nömrəli özüldən 2530 və 2532 nömrəli quyular qazmadan sonra istismara verilib.  "Azadinform" ARDNŞ-ə istinadən xəbər verir ki, "Qala Lay Dəstəsi-3" horizontuna qazılmış 2530 nömrəli quyu sutkalıq 14 ton, "Qala Lay Dəstəsi-4" horizontuna qazılmış 2532 nömrəli quyu isə sutkalıq 10 ton neft hasilatı ilə istismar fonduna daxil edilib. Hər iki quyu "Neft Daşları" NQÇİ-nin sifarişi ilə qazılıb.