“Qazprom” Ermənistana satdığı qazın qiymətini artırdı

Bununla bağlı danışıqlar davam edir və yeni qiymətlər dekabrın sonunda elan ediləcək

Rusiyanın "Qazprom" şirkəti gələn ildən Ermənistana nəql etdiyi təbii qazın qiymətini qaldırmaqda israrlıdır. ANS PRESS-in Ermənistan mətbuatına istinadən verdiyi məlumata görə, bu barədə Ermənistanın energetika və təbii ehtiyatlar naziri Armen Movsisyan bildirib.
Onun sözlərinə görə, bununla bağlı danışıqlar davam edir və yeni qiymətlər dekabrın sonunda elan ediləcək.

Xatırladaq ki, rəsmi məlumatlara görə, Ermənistan 100 kebmetr təbii qaz üçün Rusiya tərəfinə 180 dollar pul ödəyir.