Yararsız mallar hələ də mağazalarda
İqtisadi İnkişaf Nazirliyi yanında Antiinhisar Siyasəti və İstehlakçıların Hüquqlarının Müdafiəsi Dövlət Xidməti tərəfindən keçirilən növbəti monitorinqlər zamanı Bakının Suraxanı rayonunda S.Cəfərov küçəsi, ev 2 ünvanında yerləşən "Şirin market"də; Yeni Günəşli qəsəbəsi, V yaşayış massivi, ev 1C ünvanında yerləşən "Qaraj market"də saxlama müddəti ötmüş və normativ-texniki sənədlərin tələblərinə uyğun olmayan malların satıldığı, eləcə də satışda olan malların qiymət kağızlarının düzgün tərtib edilmədiyi müəyyənləşdirilmişdir. Suraxanı rayonunda Əmircan qəsəbəsində Elşən Atayevə məxsus mağazada; Günəşli qəsəbəsində yerləşən "Rüfət market"də; Yeni Günəşli qəsəbəsində Əlif Aslanova və Nazim Quliyevə məxsus mağazalarda; Binəqədi rayonunda Biləcəri qəsəbəsindəki "Ülvi market"də və Əhəd Ramazanova məxsus mağazada; Q.Məmmədov küçəsində yerləşən "Halal market"də; saxlama müddəti ötmüş malların satıldığı və satışda olan malların qiymət kağızlarının düzgün tərtib edilmədiyi aşkarlanmışdır.Xırdalan şəhərində - 28-ci məhəllədə Məcnun Bəşirova məxsus mağazada saxlama müddəti ötmüş və normativ-texniki sənədlərin tələblərinə uyğun olmayan malların satıldığı müəyyən edilmişdir. Gəncə şəhərində H.Əliyev prospekti və V.Xuluflu küçəsinin kəsişməsində Zakir Hətəmova məxsus mağazada; D.Qorqud küçəsi, 45 ünvanında Oqtay İsmayılova məxsus mağazada; Göygöl şəhərində H.Aslanov küçəsi, 70 ünvanında Nigar Qurbanovaya məxsus mağazada; A.Hacıyev küçəsində Tahir Mehtiyevə məxsus mağazada; Qusar rayonunda Gedəzeyxur kəndində Habil Cəbrayılova məxsus mağazada; Ağdam rayonunda Evoğlu kəndində Sahibəli Fərəcova məxsus mağazada; Cəlilabad şəhərində Qurtuluş küçəsində Həbib Şahverdiyevə məxsus mağazada; Biləsuvar rayonunda H.Əliyev küçəsində Fazilə Kazımovaya məxsus mağazada; Saatlı rayonunda H.Əliyev prospektində Babaş İbrəhimova məxsus mağazada; C.Cabbarlı küçəsində Elxan Quliyevə məxsus mağazada; Masallı şəhərində -Digah şəhərində Elçin Əkbərova məxsus mağazada saxlama müddəti ötmüş malların satıldığı aşkarlanmışdır.
Ümumilikdə, monitorinqlər zamanı 380 kq-dan çox yararsız ərzaq malları aşkar olunmuş, satışdan çıxarılaraq məhv edilmişdir.
Qanun pozuntusuna yol vermiş şəxslər barəsində Azərbaycan Respublikasının İnzibati Xətalar Məcəlləsinə uyğun olaraq inzibati cərimələr tətbiq olunacaqdır.