Ötən ay BTC ilə 2,2 milyon ton Azərbaycan nefti nəql olunub

2012-ci ilin noyabr ayı ərzində BTC əsas ixrac boru kəməri vasitəsilə 2 milyon 238 min 269 ton Azərbaycan nefti nəql olunub.
"Azadinform" ARDNŞ-yə istinadən xəbər verir ki, cari ilin yanvar-noyabr aylarında bu kəmərlə 27 milyon 327 min 847 ton neft ötürülüb. Ümumiyyətlə, kəmər istifadəyə verilən gündən 2012-ci il dekabr ayının 1-ə qədər BTC-yə 203 milyon 105 min 547 ton neft vurulub.
Bundan başqa, cari ilin noyabr ayında BTC kəməri ilə 243 min 501 ton Türkmənistan nefti nəql olunub.