Samir Şərifov millət vəkillərinə cavab verdi

Milli Məclisin noyabrın 15-də davam edən 2013-cü ilin  dövlət büdcəsinin müzakirəsi zamanı maliyyə naziri Samir Şərifov deputatların büdcə məsələlərilə bağlı  suallarını cavablandırıb. Nazir  millət vəkilləri tərəfindən büdcədə neftin qiymətinin 100 dollar həcmində saxlanılması ilə bağlı narahatlıq doğuran fikirləri şərh edib. S.Şərifov bildirib ki, Azərbaycanda büdcə daxilolmaları manatla verilir: "Büdcə daxilolmaları vergi , gömrük neft transfertləri və digər gəlirlər  manatla daxil olduğuna görə, büdcənin neft qiymətlərindən asılılığı yoxdur"