Oktyabrda BTC ilə 2,1 milyon ton Azərbaycan nefti nəql olunub

2012-ci ilin oktyabr ayı ərzində BTC əsas ixrac boru kəməri vasitəsilə 2 milyon 164 min 305 ton Azərbaycan nefti nəql olunub. ARDNŞ-dən "Azadinform"a verilən məıumata görə, cari ilin yanvar-oktyabr aylarında bu kəmərlə 25 milyon 90 min 26 ton neft ötürülüb. Ümumiyyətlə, kəmər istifadəyə verilən gündən 2012-ci il noyabr ayının 1-ə qədər BTC-yə 200 milyon 867 min 726 ton neft vurulub.
Bundan başqa, cari ilin oktyabr ayında BTC kəməri ilə 285 min 332 ton Türkmənistan nefti nəql olunub.