ARDNŞ il ərzində 115 min metrdən çox qazma işi görüb

2012-ci ilin oktyabr ayı ərzində Azərbaycan Respublikası Dövlət Neft Şirkəti (müştərək üəssisələr və əməliyyat şirkətləri istisna olmaqla) 8216 metr qazma işi həyata keçirib.
Trend ARDNŞ-nin rəsmi saytına istinadən məlumat verir ki, bu sahədə görülmüş işlərin 8193 metri istismara aid olub.
Ümumiyyətlə, 2012-ci ilin yanvar-oktyabr aylarında ARDNŞ üzrə (müştərək müəssisələr və əməliyyat şirkətləri istisna olmaqla) 115 804 metr qazma işi görülüb ki, bunun da 110 329 metri istismara, 5475 metri kəşfiyyata aid olub.