Nazir müavini: “Azərbaycanda bal istehsalı daxili tələbatı tam ödəyir”

"Bu il yanvarın 1-nə Azərbaycanda 212 min 651 arı ailəsi vardır. Hər arı ailəsindən keçən illərdə orta hesabla 10-11 kiloqram bal alınırdı. Cari ildə 1100 ton bal istehsalı gözlənilir". Bunu deyən kənd təsərrüfatı nazirinin müavini Aslan Aslanovun sözlərinə görə, ölkəmizdə arıçılıqla 6 min nəfərdən çox adam məşğul olur. Hesablamalar göstərir ki, ölkədə arı ailəsinin sayını 5 dəfə, onun məhsuldarlığını 2 dəfə artırmaq mümkündür. 2004-cü ilə nisbətən 2011-ci ildə Azərbaycanda arı ailələrinin sayı 2,2 dəfə artıb. Azərbaycanda bal istehsalı daxili tələbatı tam ödəyir. Hazırda ölkədə 32 özəl damazlıq təsərrüfatı fəaliyyət göstərir.