Gürcüstanın Energetika Nazirliyi: "Qazprom"la müqavilə imzalananadək danışıqlar davam edəcək

Gürcüstanın baş nazirinin birinci müavini, energetika naziri Kaxa Kaladzenin Avstriyanın paytaxtı Vyanada Rusiyanın "Qazprom" şirkətinin nümayəndələri ilə apardığı növbəti danışıqlar başa çatıb. Bu barədə APA-nın Gürcüstan bürosuna adıçəkilən ölkənin Energetika Nazirliyindən məlumat verilib. "Danışıqlar müqavilə imzalananadək davam edəcək", - deyə məlumatda qeyd edilib.

Qeyd edək ki, son vaxtlar Gürcüstan müxalifətinin nümayəndələri, politoloqlar, iqtisadçı-ekspertlər hesab edir ki, yerli hökumətin "Qazprom" şirkəti ilə apardığı danışıqlar ölkənin enerji sisteminin təhlükəsizliyinə təhdid yaradır. Danışıqların əleyhinə olanlar Tiflisdə etiraz aksiyası keçirir. Etirazçıların əsas istəyi danışıqların dayandırılmasıdır.