Rusiya hökuməti "Sberbank" və VTB-ni özəlləşdirir

Dünya bazarında neftin qiymətinin düşməsi və milli valyuta olan rublun dəyər itirməsi səbəbindən iqtisadi böhran yaşayan Rusiya iki böyük bankını - "Sberbank" və VTB-ni özəlləşdirməyi planlaşdırır. APA-nın Moskva müxbirinin verdiyi məlumata görə, bu barədə Rusiyanın iqtisadi inkişaf naziri Aleksey Ulyukayev bildirib. O, "Sberbank" və VTB-nin özəlləşdirilməsi üçün təkliflər hazırlayacaqlarını deyib. Nazir iqtisadi çətinliyə görə, 2016-cı il büdcəsinə yenidən baxılacaq Rusiyada "Sberbank"-ın satışı üçün qanunvericiliyə dəyişikliklərin edilməsinin vacib olduğunu da qeyd edib.