Amerika ölkəsi avroya keçir?

Mərkəzi Amerikada yerləşən Panama ölkə ərazisində ABŞ dolları ilə yanaşı, valyuta qismində avronu da işlətmək istəyir.
Milli.Az AFP-yə istinadən bildirir ki, bunu Panamanın baş naziri Rikardo Martinelli bəyan edib.
Martinelli Almaniyanın baş naziri Angela Merkel ilə birlikdə keçirdiyi mətbuat konfransında deyib: "Panamada ABŞ dolları sərbəst dövriyyədədir. Xanım Merkelin nəzərinə çatdırdıq ki, avronun da ölkədə qanuni ödəniş vasitəsi olmasını və tədavülə buraxılmasını istəyirik".