Bakı-Tbilisi-Qars layihəsi üzrə hansı işlər görülüb?

Hazırda həyata keçirilən Bakı-Tbilisi-Qars layihəsi üzrə tikinti işləri sürətlə davam etdirilir. Nəqliyyat Nazirliyindən "Olaylar"a verilən məlumata görə, hazırda Axalkalaki-Türkiyə sərhədi hissəsində 5,2 kilometr uzunluğunda yeni yolun üst quruluşu inşa edilmiş və bu hissədə süni qurğuların və torpaq yatağının tikintisi, o cümlədən Axalkalaki və Kartsaxi stansiyalarında vağzal binalarının, yolun 101-103 kilometrlik ərazisində yerləşən uzunluğu 150 metr olan körpünün, Türkiyə-Gürcüstan sərhədində 4,2 kilometrlik tunelin tikintisi və uzunluğu 153 kilometr olan Marabda-Axalkalaki sahəsində reabilitasiya-rekonstruksiya işləri davam etdirilir.