Ötən ay BTC ilə 2,3 milyon ton Azərbaycan nefti nəql olunub

2012-ci ilin sentyabr ayı ərzində BTC əsas ixrac boru kəməri vasitəsilə 2 milyon 261 min 957 ton Azərbaycan nefti nəql olunub.
"Azadinform" ARDNŞ-ə istinadən xəbər verir ki, cari ilin yanvar-sentyabr aylarında bu kəmərlə 22 milyon 925 min 721 ton neft ötürülüb. Ümumiyyətlə, kəmər istifadəyə verilən gündən 2012-ci il oktyabr ayının 1-ə qədər BTC-yə 198 milyon 703 min 421 ton neft vurulub.
Bundan başqa, cari ilin sentyabr ayında BTC kəməri ilə 217 min 264 ton Türkmənistan nefti nəql olunub.