Səbail rayonunda qeyri-yaşayış sahəsi hərraca çıxarılacaq

 Əmlak Məsələləri Dövlət Komitəsi respublikanın şəhər və rayonlarında kiçik dövlət müəssisə və obyektlərinin hərracını keçirəcək. Bu barədə Komitədən "Olaylar"a verilən məlumata görə, ilkin olaraq Abşeron rayonu, Ceyranbatan qəsəbəsi, Bakı-Quba şossesinin 27-si kilometrliyində yerləşən qeyri-yaşayış sahəsi və   Şəki şəhəri, M.Ə.Rəsulzadə prospekti, 118 ünvanda yerləşən qeyri-yaşayış binası hərraca şıxarılacaq. Sözügedən obyektlərin hər ikisi İstehsal və Xidmət Müəssisələrinin İdarəetmə Mərkəzinin tabeliyindədir.  Qeyri-yaşayış sahəsinin start qiyməti 19080, qeyri-yaşayış binasının start qiyməti isə 9521 manatdan başlanır. Eyni zamanda oktyabrın 16-da  Bakı şəhəri, Səbail rayonu, Y.Məmmədəliyev küçəsi, 4 ünvanda yerləşən   Bakı Şəhər İcra Hakimiyyəti, Mənzil Kommunal Təsərrüfatı Departamenti, Səbail rayon Mənzil Kommunal Təsərrüfatı Birliyinə tabe olan üçmərtəbəli binanın birinci mərtəbəsində yerləşən qeyri-yaşayış sahəsi hərraca çıxarılacaq. Onun start qiyməti 7150 manatdır.