120 dəmiryolçu mənzillə təmin olunub

Son iki il ərzində 120-dən artıq dəmiryolu işçisi mənzillə təmin olunub. "OLAYLAR"-ın verdiyi xəbərə görə, belə bir açıqlama ilə Azərbaycan Həmkarlar İttifaqları Konfederasiyasının sədri, millət vəkili Səttar Mehbalıyev çıxış edib. Bildirib ki, anoloji proses neft sənayesində çalışanlar üçün də davam edir: "Uzun müddət mənzil növbəsində dayanan insanlar çalışdıqları idarə-müəssisə, qurum tərəfindən bövbəli prinsip əsasında mənzillə təmin olunur". Millət vəkili deyib ki, hər hansı idarə-müəssisə, nazirliyin öz işçiləri üçün mənzil tikməsinə ehtiyac yoxdur: "Biz demirik ki, həmin qurumlar işçiləri üçün mənzil tiksin. Pulları varsa tikinti şirkətləri ilə müqavilə bağlayıb həmin mənzilləri ala və işçilərinə paylaya bilər".