Tarix muzeyində “Azərbaycan tarixində almanlar” sərgisi

Milli Azərbaycan Tarixi Muzeyində "Azərbaycan tarixində almanlar" adlı fotosərgi təşkil olunub. Muzeydən "Olaylar" - a bildirlib ki, fotosərgi Prezidenti İlham Əliyevin "Cənubi Qafqaz regionunda alman məskənlərinin salınmasının 200 illiyi haqqında" Sərəncamına və AMEA - nın Rəyasət Heyətinin müvafiq qərarına əsasən uyğun olaraq qurulub.

Fotosərgidə orta əsrlər dövründə Azərbaycanda olmuş alman səyyahları, XIX əsrdə almanların Azərbaycan köçürülməsi, XIX - XX əsrin əvvəllərində Azərbaycanda alman koloniyalarının həyatını əks etdirən materiallar nümayiş olunub. Fotomateriallar onları izah edən müvafiq elmi məlumatla zəngindi. Sərgidə 140-a yaxın fotoşəkil, müxtəlif illərdə alman təşkilatlarının Milli Azərbaycan Tarixi Muzeyinə hədiyyələri göstərilir.

Sərginin açılışında Azərbaycan Milli Elmlər Akademiyasının vitse-prezidenti, akademik İsa Həbibbəyli, Milli Azərbaycan Tarixi Muzeyinin direktor, akademik Nailə Vəlixanlı və Elmiekspozisiya və sərgilərin təşkili şöbəsinin müdiri, t.ü.f.d. Səbuhi Əhmədov çıxış ediblər.