Bu il ABŞ-da qanuni futbol mərcləri 30 milyard dollara çatacaq

Bu il ABŞ-da Milli Futbol Liqasının (NFL) Amerika futbol oyunlarına mərclərin həcminin 8,5 faiz artaraq rekord həddə - 30 milyard dollara çatacağı gözlənilir. Musavat.com xəbər verir ki, məlumatı Amerika Oyun Assosiasiyası açıqlayıb.

Bildirilir ki, bu, yalnız qanuni mərclərə aiddir. ABŞ-da qeyri-qanuni idman mərcləri bazarının ölçüsü məlum deyil. Bu yaxınlarda ştatların baş prokurorları Ədliyyə Nazirliyinə açıq məktubla müraciət edərək agentliyi kölgə seqmentinə qarşı mübarizə tədbirlərini sərtləşdirməyə çağırıblar və bu məktubda qeyri-qanuni bukmekerlik nəticəsində itirilən vergilərin həcmini ildə 4 milyard dollar qiymətləndiriblər.

Qeyd edək ki, yeni NFL mövsümü sentyabrın 4-də başlayır. Əvvəlki mövsümün pley-offunu "Philadelphia Eagles" qazanıb.