Qurban Qurbanov geriləyib, Miodraq Bojoviç irəlilədi

Dünyanın ən yaxşı baş məşqçilərinin reytinqi siyahısı açıqlanıb.

Olaylar.az İdman.Biz-ə istinadən bildirir ki,  may ayındakı ilk cədvəldə planetin 500 ən güclü mütəxəssisi yer alıb.

Siyahıda yeganə azərbaycanlı məşqçi Qurban Qurbanovdur. "Qarabağ"ın baş məşqçisinin mövqeyi dəyişib.

O, 1672 xalla dünyada 136-cıdlr. Ötən ayla müqayisədə 1 xallıq artıma nail olan 52 yaşlı mütəxəssis 2 pillə geriləyib.

"Neftçi"nin monteneqrolu baş məşqçisi Miodraq Bojoviç 1616 xalla siyahıda 194-cüdür. O, ötən siyahı ilə müqayisədə 1 addım irəliləyib.

Qeyd edək ki, cədvələ 2238 xala malik "Mançester Siti"nin baş məşqçisi Pep Qvardiola başçılıq edir.