Andrey Lunyov bu gün "Qarabağ"ın düşərgəsinə qoşulacaq

Rusiya millisinin qapıçısı Andrey Lunyov bu gün "Qarabağ"ın düşərgəsinə qoşulacaq.

Olaylar-ın xəbərinə görə, bu barədə Lunyov "Championat" nəşrinə açıqlamasında məlumat verib.

Qeyd edək ki, bu gün keçirilməli olan Rusiya-Paraqvay yoldaşlıq oyunu "Crocus City Hall"da törədilmiş terror aktına görə ləğv edilib.

Rusiya martın 21-də Serbiyaya dörd cavabsız qolla qalib gəlib. Andrey Lunyov bu matçda meydana çıxmayıb.