“Qarabağ” bir pillə də irəlilədi

Avropanın top komandalarının yeni reytinq cədvəli açıqlanıb.

Olaylar.az İdman.biz-ə istinadən xəbər verir ki, siyahıda qitənin 415 ən güclü klubu yer alıb.

Azərbaycan cədvəldə 4 komanda ilə təmsil olunub. "Qarabağ" 292 xalla siyahıda 63-cüdür.

Qurban Qurbanovun yetirmələri 1 pillə irəliləyib. "Neftçi" 27 xalla 240-cıdır. "Sabah" 20 xalla 265-cı, "Qəbələ" 5 xalla 367-cıdır.

Qeyd edək ki, siyahıya 2351 xala malik "Real" başçılıq edir.