15 yaşlı azərbaycanlı çempion
15 yaşlı azərbaycanlı Məhəmməd Cəfərov artıq 10 ildir ki, boks idman növü ilə məşğuldur və hələ də bu sahədə uğurlar qazanmağa davam edir.
Olaylar.az-a danışan 15 yaşlı idmançının sözlərinə görə, o, balaca olarkən həyətdə oynayanda məşqçisi Zaur Məmmədov onu görür və atasından istəyir:
"Atam məni məşqçimə verdikdən sonra artıq mən bu sahəyə yönəldim. Mən balaca olarkən, yəni, 2017-ci il iyulun 27-si Gürcüstanın Batumi şəhərində World Martial adlı yarışda erməni idmançını məğlub etmişəm.
2021-ci ildə Kabardina- Balkariyada, Rusiyada 3-cü yerə layiq görülmüşəm.
2022-ci ilin mart ayında Türkiyənin Trabzon şəhərində keçirilən məktəblilərarası yarışda bürünc medala yiyələndim. Apreldə Təhsil Respublika Çempionatında gümüş medala yiyələnmişəm. İyun ayında isə məktəblilərarası respublika çempionatında çempion olmuş, 4 döyüş keçmişəm. 2022-ci ilin avqust ayında isə Türkiyənin Ərzurum şəhərində məktəblilərarası Avropa çempionatında iştirak etmiş, amma medal qazana bilməmişəm.
Daha sonra bu il, ulu öndər Heydər Əliyevin 100 illiyinə həsr olunmuş yeniyetmələr arası prezident kubokunda 3-cü yerə layiq görülmüşəm".
Məhəmməd Cəfərov qeyd edir ki, o, bu il həm də Gürcüstanda Akaki Kakauridze adına keçirilən yarışda 3-cü yerə layiq görülüb.
M.Cəfərov hələlik sonuncu qələbəsini Tacikstanda qazanıb. İyulun 24-dən 28-dək keçirilən İslam Mirzəliyev adına beynəlxalq turnirdə azərbaycanlı yaşıdlarını təmsil edən Məhəmməd bu yarışda 4 döyüş keçirib.:" Tacikstanlı bir idmançı döyüşdən imtina etdi.İkinci döyüş də tacikstanlı ilə oldu və mənim qələbəmlə bitdi. Üçüncü döyüş özbəkistanlı ilə oldu və mən qələbə qazandım. Dördüncü və ən çətin döyüş yenə özbəkistanlı ilə oldu. Və bu döyüşdə 4:1 hesabı ilə qələbə qazandım. Ümumi göstəriciyə görə 1-ci yerə, yəni çempion adına layiq görüldüm."
M.Cəfərov deyir ki, qazandığı bütün uğurlara görə məşqçisi Zaur Məmmədova minnətdardır: "Bu idman növünü mənə Zaur müəllim sevdirdi. Bütün yarışlarda tək məşqçi kimi yox, deyərdim ki, bir valideyn kimi həyəcan keçirir. Qayğımıza qalır. Zaur müəllim bizim tək müəllim yox həm də dostdu. Qazandığım bütün uğurlara görə Zaur Məmmədova minnətdaram."