Qətərdə “Messi muzeyi” yaradılmayacaq

Dohadakı Qətər Universiteti 2022-ci il dünya çempionatı zamanı Argentina millisinin lideri Lionel Messinin yaşadığı otaqda muzey yaratmaq fikrində deyil.

Olaylar.az oxu.az-a istinadən xəbər verir ki, təhsil ocağı bu barədə yayılan məlumatları təkzib edib.

"Universitet nümayəndəsinin sözləri yanlış şərh edilib, universitet belə bir muzey açmağı planlaşdırmır", - deyə müəssisədən bildirilib.

Qeyd edək ki, dekabrın 18-də dünya çempionatının finalında Argentina millisi Fransa seçməsinə qalib gələrək kubokun yeni sahibi olub.