Avropa çempionatının təsnifat oyunlarını azərbaycanlı xanım idarə edəcək

Azərbaycan Voleybol Federasiyası Regional İnkişaf Mərkəzinin rəhbəri, Avropa Voleybol Konfederasiyasının Avrokuboklar Komissiyasının üzvü Nərgiz İsmayılova yeniyetmə qızlar arasında keçiriləcək U-17 Avropa çempionatının təsnifat oyunlarına təyinat alıb.

"OLAYLAR" Azərbaycan Voleybol Federasiyasına istinadən xəbər verir ki, İsmayılova aprelin 22-24-də Almaniyanın Kienbaum vilayətində keçiriləcək C qrupunun matçlarında supervayzer funksiyasını yerinə yetirəcək.

Qeyd edək ki, C qrupunda ev sahibləri ilə yanaşı, Belçika, İsrail və Litva milliləri mübarizə aparacaqlar. Görüşlərin hakimləri moldovalı Andrei Taran, türkiyəli Hatice Özmen Yıldız, polşalı Anna Niedbal və serbiyalı Aleksandra Balandzic olacaq.