"Neftçi" avstraliyalı hücumçunu transfer edir
"Neftçi" klubu hücum xəttindəki problemi aradan qaldırmaq üçün səylərini davam etdirir
"Neftçi" klubu hücum xəttindəki problemi aradan qaldırmaq üçün səylərini davam etdirir.
Offsideplus.az İsrail mediasına istinadla xəbər verir ki, "ağ-qaralar" Avstraliya yığmasının futbolçusu Nikita Rukavitsa ilə danışıqlar aparır.
Təcrübəli hücumçu "ağ-qaralar"ın maraq dairəsindədir. 34 yaşlı forvard yaxın günlərdə yekun qərarını açıqlayacaq.
Qeyd edək ki, Nikita Rukavitsa karyerası ərzində Avstraliyanın "Pert Qlori", "Vestern", Niderlandın "Tvente", Belçikanın "Roselar", Almaniyanın "Herta", "Maynts 05", "Frankfurt", İsrailin "Beytar" və "Makkabi" (Hayfa) klublarında forma geyinib. Son olaraq "Makkabi" forması geyinən futbolçu 2020/21 mövsümünün sonunda komandadan ayrılıb.