TOKİO-dan gözlənilən XƏBƏR- Azərbaycanlı güləşçi FİNALDA

Ukrayna yunan-Roma güləşi millisinin əslən azərbaycanlı üzvü Pərviz Nəsibov (67 kq) Tokio 2020-nin finalına vəsiqə qazanıb.

O, yarımfinal görüşündə misirli Məhəmməd İbrahim Əl-Sayedlə qarşılaşıb.

Nəsibov ilk hissədən sonra 0:5 hesabı ilə geridə olmasına baxmayaraq, ikinci yarıda əzmkarlıq nümayiş etidrərək, rəqibinə qalib gəlib - 7:6.

Onun qızıl medal uğrunda qarşılaşmadakı rəqibi iranlı Məhəmməd Reza Gerayi olacaq. Final görüşü avqustun 4-də keçiriləcək.

Qeyd edək ki, Pərviz Nəsibov Ağstafa rayonunun Muğanlı kəndində doğulub. İdmançı 6 yaşında olarkən ailəsi ilə Ukraynaya köçüb. O, cari ilin mayında Bolqarıstanda keçirilən Tokio 2020 Yay Olimpiya Oyunlarına lisenziya xarakterli son turnirdə (Dünya Təsnifat) Azərbaycan təmsilçisi Rəsul Çunayevi məğlub etmişdi.