Baş məşqçi futbolçuları bara apardı

Hesab 2,8 min funt sterlinq edib

İngiltərənin "Derbi Kaunti" klubunun futbolçuları Çempionşipdə finala vəsiqə qazanmalarını içki məclisində qeyd ediblər.

"Sky Sports" xəbər verir ki, cavab yarımfinal matçından "Lids" üzərində 4:2 hesablı qələbədən sonra baş məşqçi Frenk Lempard komandanı bara aparıb.

Burada kollektiv üzvləri ümumilikdə 209 bakal pivə, 75 likyor, 64 araq kokteyli və 1 dietik "Coca Cola" sifariş ediblər. Hesab isə 2,8 min funt sterlinq edib.

Qeyd edək ki, "Derbi Kaunti" mayın 27-də "Uembli"də baş tutacaq finalda "Aston Villa" ilə qarşılaşacaq. Qalib komanda Premyer Liqaya vəsiqə qazanacaq.(report.az)