UFC döyüşçüsünü yarış zamanı soydular

ММА döyüşçüsü Qreqor Qillespi Nyu-Yorkda keçirilən UFC Fight Night 143 turniri zamanı soyğunçuların hücumuna məruz qalıb.

Bu barədə idmançı özü şəxsi İnstagram hesabında məlumat paylaşıb.

Qillespinin sözlərinə görə, turnirin keçirildiyi Barclays mərkəzindən ona və məşqçisinə aid 2 çanta oğurlanıb.

Qillespi yazıb ki, oğrular çantanı və oğurladıqları əşyaları özlərində saxlaya bilər, amma heç olmasa pul qabını qaytarsınlar.

31 yaşlı amerikalı idmançı həmin turnirdə rəqibini 2-ci raundda nokauta uğradıb. Bu, onun MMA qaydalarına görə 13-cü döyüşdə 13-cü qələbədir.

AzNews.az