Portuqaliya klubu ardıcıl qazandığı qələbələrə görə rekord müəyyənləşdirib

Portuqaliyanın "Portu" komandası ardıcıl qazandığı qələbələrə görə özünün yeni rekordunu müəyyənləşdirib.

Serjiu Konseysaunun rəhbərlik etdiyi kollektiv buna Liqa Kubokunun qrup mərhələsində "Belenensiş"i 2:1 hesabı ilə məğlub etdiyi matçda nail olub.

Bu, komandanın bütün turnirlər daxil olmaqla ard-arda qazandığı 16-cı qələbədir. 

Qeyd edək ki, "Portu" 14 turdan sonra Portuqaliya çempionatında 36 xal toplayaraq ilk pillədə qərarlaşıb.

report