"İnter" - "Napoli" matçından əvvəl iğtişaşda vurulan azarkeş ölüb

Futbol üzrə İtaliya A Seriyasında XVIII turun "İnter" - "Napoli" oyunundan əvvəl baş vermiş münaqişədən sonra bir azarkeşin dünyasını dəyişdiyi müəyyənləşib.

Matçdan əvvəl avtomobil tərəfindən vurulan və vəziyyəti ağır olan fanat ölüb.

Bundan əlavə, sözügedən qarşılaşmadan əvvəl 4 nəfər bıçaqlanıb.

Qeyd edək ki, oyun "İnter"in 1:0 hesablı qələbəsi ilə nəticələnib. Meydan sahibləri Lautaro Martinesin 90+2-ci dəqiqədə vurduğu qolla qalib gəliblər.

report